Украина: Руси со дрон ги нападнаа пожарникари кои гаснеа пожар

Украина соопшти дека руската војска фрлила експлозив врз противпожарно возило со дрон додека украинските пожарникари гаснеле пожар во Билозерки, Херсон.

„Поради непријателски напад избувна пожар во Билозерка. Додека се гаснеше, експлозивна направа беше фрлена од дрон врз противпожарна машина“, извести украинската државна служба за итни случаи.

Пожарникарите пред експлозијата успеале да стигнат на безбедно, па никој од нив не се здобил со повреди.

Во текот на денот, службите за итни случаи гаснеа 31 пожар предизвикан од руските бомбардирања, вклучително и станбени згради, комерцијални и нестанбени згради, како и автомобили и магацини, додаваат од службите за итни случаи.