Изборите за мис се одвиваат во земјите ширум светот, но една дама привлече посебно внимание и ги освои срцата на публиката кога се појави на изборот во Тексас.
Имено, Мариса Теихо има 71 година и фигура украсена со мускули, а оваа година желна за ново искуство сакаше да си ја проба среќата на натпреварот „Мис Тексас САД“.
Ова е уште еден резултат на многуте нови реформи во светот на натпреварите за ласкави титули, кога ја укинаа старосната граница.
Сведоци сме дека се се менува, а исто така и нашиот поглед на убавината. Се повеќе се зборува за внатрешната убавина, желбата да се подигне самодовербата кај жените од сите облици, возрасти, религии и националности.
Така, гледаме дека откажаните правила од организацијата Мис Универзум придонесоа да се појават жени како овогодинешните победнички на Мис Германија и Мис Алабама, кои им пркосат на претходните „стандарди за најубава жена“ на земјата, светот, универзумот…
– Пресреќна сум и поласкана што можам да бидам дел од ова интересно натпреварување – им порачала Мариса во неколку наврати на своите следбеници на „Инстаграм“.
Во Хјустон ќе се натпреварува со уште 100 жени од различни градови, а победничката ќе се пласира во финалето за титулата Мис на САД, кое ќе се одржи на 4 август во Лос Анџелес.
Мариса ја користи оваа прилика да испрати порака до сите жени – дека никогаш не е доцна да ги исполните сопствените соништа.
– Мислам дека сите жени сега имаат нови можности, различни сили и различна убавина – вели таа, пренесува „NYPost“.