Германското федерално обвинителство соопшти дека во таа земја се уапсени тројца мажи осомничени дека работеле за неименувана странска тајна служба.
Според извештаите, украинскиот државјанин Роберт А, ерменскиот државјанин Варџес И. и Русинот Арман С. наводно отпатувале во Германија во име на странска тајна служба за да соберат информации за тамошен украински жител, објави Ројтерс.
Според соопштението на Обвинителството, тие на 19 јуни скаутирале кафуле во Франкфурт каде што требало да биде нивната мета.
Полицијата во Хесен ги уапсила во Франкфурт, а барањата за потерница биле поднесени до истражниот судија, објави Дојче веле.
Тројцата се појавија во судот и им беше одреден притвор пред обвинението.
Серија случаи на шпионирање во Германија, во кои се вмешани наводни руски и кинески агенти, неодамна привлекоа внимание на јавноста.
Двајца мажи со двојно руско-германско државјанство беа уапсени во април поради наводно извидување потенцијални цели за извршување саботажа на германска територија.