Американскиот претседател Џозеф Бајден изјави дека не мисли оти израелскиот премиер Бенјамин Нетанјаху се обидува да игра политичка игра со војната во Појасот Газа, туку дека „се обидува да реши сериозен проблем што го има“.
Американскиот претседател ова го изјави во Белата куќа како одговор на новинарско прашање дали верува дека Нетанјаху „игра политички игри со војната во Газа“, пренесе Ројтерс.
– Мислам дека тоа не е вистина. Нетанјаху се бори со длабоки политички поделби во Израел околу предлогот за прекин на огнот во Газа поддржан од САД, одговори Бајден.
Најголемите коалициски партнери на Нетанјаху денеска потврдија дека сакаат да го поддржат договорот дури и ако тоа подразбира преиспитување на воената стратегија, пренесоа американските медиуми.