Бројот на загинати во силниот земјотрес што ја погоди Јапонија на Нова година утринава се искачи на 62, а властите се трудат да им помогнат на преживеаните поради ниските температури и обилните врнежи кои се очекуваат во текот на денот.
Земјотрес со јачина од 7,6 степени според Рихтеровата скала го погоди полуостровот Ното во понеделникот попладне, уривајќи куќи и отсечени оддалечените области од многу потребната помош.
Во областите погодени од земјотресот денеска се предвидуваа обилни врнежи, што ги зголеми стравувањата од лизгање на земјиштето и може дополнително да ги попречи напорите за спасување на многуте луѓе затрупани под урнатините.
Многумина беа повредени, а властите вчера се бореа со пожарите во неколку градови и извлекуваа луѓе од урнати згради.
Според јапонската метеоролошка агенција, од првиот во понеделникот се регистрирани околу 200 земјотреси. Агенцијата предупреди дека во наредните денови може да има уште посилни земјотреси, пренесува ХИНА.