Утрово руските сили ги нападнаа Киев и Харков со дронови и ракети, откако претседателот Владимир Путин најави жестоки напади.
Кира Рудик, пратеничка во украинскиот парламент, објави дека нејзиниот дом бил оштетен при нападот утринава и дека се здобила со полесни повреди.
Таа сподели и фотографии од оштетениот дом.
My home is now partially in rubble. I have no windows on one side anymore. I have minor injuries but I am alive. The fires are everywhere. russia you will pay. pic.twitter.com/rLaITQowkV
— Kira Rudik (@kiraincongress) January 2, 2024
Полска: Подигнавме Ф-16 за време на нападот утринава
Полска соопшти дека борбени авиони Ф-16 и сојузнички воздушен танкер биле распоредени денеска за да го заштитат полскиот воздушен простор за време на руските напади врз Украина, објави Ројтерс.
Во исто време, градоначалникот на Киев, Виталиј Кличко, објави вест за зградата од која се евакуирани 117 жители.
Тој рече дека според последните информации во зградата се повредени најмалку 20 лица. Тој додаде дека во зградата има пожар и силен чад.
Жена загина во Харков, 41 лице се повредени
41 лице е повредено во Харков во нападот на Русија утринава, изјави регионалниот гувернер Олех Синебухов. Тој додаде дека една жена е убиена.
Најмалку 16 повредени во зградата која се запали
Градоначалникот на Киев, Виталиј Кличко, на Телеграм објави дека 16 лица се повредени во зграда која се запалила по руски ракетен напад.
Тој додаде дека 15 повредени се хоспитализирани. Во меѓувреме, американската амбасадорка во Киев Бриџит А. Бринк реагираше на руските напади насочени кон Киев и други делови од земјата.
„Путин ја дочекува 2024 година со лансирање ракети кон Киев и низ целата земја, додека милиони Украинци повторно бараат засолниште во ниските температури. Силни експлозии утрово во Киев. Итно и критично е да ја поддржиме Украина сега – да го запреме Путин тука“, рече таа.
ранок в Харкові pic.twitter.com/vo0Ori7NE5
— імбирна харківська Фосса (@gingerFox_ua) January 2, 2024
Киев прво беше нападнат со дронови, а потоа и со ракети
Ракетниот напад врз Киев уследи по претходниот напад со беспилотни летала врз главниот град на Украина.
Русија во раните утрински часови лансираше вкупно 35 беспилотни летала кон Украина, но системите за противвоздушна одбрана ги уништија сите, соопштија од украинските воздухопловни сили.
Украинските власти тврдат дека остатоците од соборениот дрон предизвикале пожар во станбена зграда во една од квартовите на Киев.
Експлозиите одекнаа и во Харков
Игор Терехов, градоначалникот на Харков, извести дека во градот се слушнале експлозии откако Русија извршила масовен ракетен напад.
„Експлозии во Харков. Харков е под силен ракетен напад. Сега е многу опасно да се биде надвор од засолништето“, објави тој на Телеграм.
Obolon
Kyiv pic.twitter.com/g1UXe2Q4RV— ThreeHappyDachshunds (@TwoHappyDachs) January 2, 2024