Израелската армија (ИДФ) тврди дека го освоила и уништила штабот на баталјонот Шеџаија на Хамас со седиште во источниот кварт на градот Газа, пренесува АФП.
Портпаролот на ИДФ Авичај Адраи на платформата X објави дека борците на Хамас во единицата биле „елиминирани“ со напади на авиони, тенкови и инженери кои уништиле тунел во комплексот.
Областа Шејаја беше место на интензивни борби за време на конфликтот.
Неколку станбени блокови таму беа срамнети од ИДФ, а претходно оваа недела девет израелски војници беа убиени во заседа во областа.
Во натамошното ажурирање за борбите на други места, како што објави Би-Би-Си, ИДФ тврди дека целеле и на „терористичката инфраструктура во срцето на градот Кан Јунис“.
Израелските сили, исто така, тврдат дека уништиле складиште за оружје и бројни возила пронајдени во тунелот, за кои велат дека биле користени во нападите на 7 октомври.