Американскиот претседател Џо Бајден рече дека продолжувањето на патот на „убиства и војна“ во Газа би значело дека Хамас го добил она што го сака.
Во објава на платформата Х, Бајден рече дека „Хамас изврши терористички напад затоа што не се плашат ништо повеќе од Израелците и Палестинците кои живеат еден до друг во мир“.
„Продолжувањето на патот на теророт, насилството, убиствата и војната значи да му се даде на Хамас она што тие го сакаат. Не можеме да го направиме тоа“, нагласи американскиот претседател
Анализирајќи ја пораката на Бајден, уредникот за меѓународни односи на Скај Њуз, Доминик Вагорн, даде свое мислење за, како што рече, „малку збунувачки формулирана порака“.
„Моето толкување е дека тоа не е порака до Израел да не се враќа во војна, но тоа секако значи омекнување на наративот во Белата куќа што го видовме во последните денови“, вели тој.
Американските власти велат дека на Израел му било кажано дека не може да ги користи борбените методи што ги користел на северот во јужниот дел на Газа.
Израел е предупреден да не предизвикува масовно раселување на Палестинците на југ и да биде внимателен околу хуманитарните зони, вели Вагорн.
„Ќе биде интересно да се види што ќе произведе дипломатијата зад сцената, но пред се тоа е обид за продолжување на примирјето по вечерва“, додаде тој.