Западот ќе избрише од историјата на Украина се што се случувало пред 2022 година, изјави портпаролката на Министерството за надворешни работи на Русија Марија Захарова.
Таа го привлече вниманието на намерниот молк на западниот мејнстрим во деновите на одбележувањето на 10-годишнината од Мајдан во Киев.
„Не го гледаат, како да не постои. А зошто не постои? Затоа што тие сега исклучиво ќе ја набљудуваат ситуацијата околу Украина од 2022 година. Пред тоа не ги интересира историјата. Ќе ги интересира само концептот на Холодомор или други работи поврзани со препишувањето на историјата. Потоа ќе се свртат кон историјата на Украина, се друго за нив не постои“, изјави Захарова за радиото Спутник.
Според неа, за да се разберат актуелните настани во Украина, мора да се знае праисторијата.
„Западот ќе направи се за да ги избрише годините и децениите кои претходат на 2022 година. Во нивните толкувања нема да има ниту првиот Мајдан (2004) ниту вториот Мајдан (2013)“, рече таа.
Пред 10 години, на 21 ноември 2013 година, на Мајдан во Киев започнаа протести кои доведоа до државен удар, пренесува Спутник.
Причина за масовните протести беше тоа што тогашните власти го суспендираа потпишувањето на договорот со Европската унија.