Официјална Москва е подготвена да работи со Хелсинки за решавање на ситуацијата со бегалците на границата, изјави денеска портпаролката на Министерството за надворешни работи на Русија Марија Захарова.
„Неопходно е да им се наложи на финските граничари да одржат консултации со руските граничари и да ја претстават целата загриженост на финската страна. Неопходно е да се разгледаат сите ставки, да се најде заемно прифатливо решение или да се добие објаснување. Ние сме подготвени за таква работа. Ова му беше кажано на амбасадорот на Финска, кој беше во МНР на 20 ноември“, рече Захарова, пренесува РИА Новости.
Поради одлуката на Хелсинки да ги затвори контролните пунктови на границата со Русија, бегалци од трети земји се собираат околу контролните пунктови.
Според гувернерот на регионот Мурманск, Андреј Чибис, само на контролниот пункт Сала чекаат околу 300 луѓе.