Alphabet, кој е сопственик на Google, платил 26,3 милијарди долари на други компании во 2021 година за да се осигура дека овој пребарувач е стандарден на прелистувачите и телефоните.
Ова го изјави еден од главните директори на компанијата пред судот во САД, објави неодамна Bloomberg News.
Износот на стандардните плаќања што ги направил Google се зголеми за повеќе од трипати од 2014 година, рече официјален претставник одговорен и за пребарување и за рекламирање, се додава во извештајот, според Ројтерс.
Приходите од мрежното рекламирање на Google биле 146,4 милијарди американски долари во 2021 година, при што стандардните плаќања беа нејзиниот најголем трошок, рече официјалниот претставник.
Google одби да одговори на прашања за ова кога британската агенција го контактираше.
Како што рече Гугл, договорите за споделување приходи се легални и „тие инвестираа за да ги одржат своите бизниси за пребарување и рекламирање конкурентни“.
Исто така, тврди дека ако луѓето не се задоволни со поставките, тие едноставно можат да менуваат прелистувачи.