Најмалку 22 лица загинаа, а меѓу 50 и 60 луѓе се ранети во престрелката во градот Луистон, во американската сојузна држава Мејн, што се случи во средата вечерта на две локации, јавуваат американските медиуми.
Потрагата по напаѓачот е во тек.
Државната полиција на Мејн и канцеларијата на окружниот шериф објавија на мрежата Х, порано Твитер, дека пукањето се случило на повеќе локации во градот Луистон и ги повикаа жителите да се засолнат, да останат во своите домови и да ги заклучат вратите.
MANHUNT UNDERWAY: Police say Robert Card is a person of interest in connection with the mass shootings in Lewiston. A vehicle of interest has reportedly been found in Lisbon.
DETAILS: https://t.co/TJNtWDIidu pic.twitter.com/wdbiNQtVMu
— CBS 13 News (@WGME) October 26, 2023
Тие објавија дека трагаат по 40-годишниот Роберт Кард, кој важи за „вооружен и опасен“.
Полициската управа во Луистон објави три фотографии од осомничениот, кој е вооружен со полуавтоматска пушка, како и фотографија од бело возило, барајќи од јавноста да помогне во идентификувањето и лоцирањето на осомничениот.
Неговиот автомобил бил пронајден во гратчето Лизбон.
„Полицијата се обидува да го лоцира Роберт Кард, роден на 4 април 1983 година, во врска со масовното пукање во барот „Schemengees” и „Sparetime Recreation” оваа вечер. Ве молиме контактирајте ја полицијата ако знаете каде се наоѓа”, соопшти полицијата.
There is an active shooter in Lewiston. We ask people to shelter in place. Please stay inside your home with the doors locked. Law enforcement is currently investigating at multiple locations. If you see any suspicious activity or individuals please call 911. Updates to follow. pic.twitter.com/RrGMG6AvSI
— Maine State Police (@MEStatePolice) October 26, 2023
Кард работел како инструктор за огнено оружје и тренирала во резервниот центар на американската армија во Мејн.
Наводно, Кард неодамна имал проблеми со менталното здравје што го ставиле во болница ова лето.
Медиумите јавуваат и дека тој неодамна останал без работа.