По ескалациите на Блискиот Исток, Европа живее во страв од тероризам, а се чини дека Франција е можеби најранлива.
Нападите во Белгија и Франција покажуваат дека стравот е целосно оправдан, а враќањето на исламистичкиот тероризам е речиси сигурно.
Францускиот претседател Емануел Макрон предложи западните трупи распоредени во Сирија и Ирак, за борба против остатоците од терористите на Исламската држава, да бидат насочени кон борбата против палестинската милитантна група Хамас.
Зборувајќи заедно со израелскиот премиер Бенјамин Нетанјаху за време на посетата на Ерусалим во вторникот, Макрон рече дека коалицијата предводена од САД, која вклучува десетици земји, треба да преземе нова мисија против фракцијата со седиште во Газа.
Нема милост против Хамас
„Франција е подготвена коалицијата, која се бори во Ирак и Сирија против ИСИС, да се бори и против Хамас“, рече Макрон.
Тој нагласи дека операциите против Хамас „мора да бидат без милост, но не и без правила“.
Кабинетот на Макрон објасни дека меѓународната коалиција во моментов не е ограничена на „операции на теренот“.
Нетанјаху веднаш не го коментираше предлогот на Макрон, но го нарече Хамас „новите нацисти“ и рече дека „слободниот свет“ сега се бори против „оската на злото“.
Покрај Соединетите Американски Држави, кои одржуваат околу 2.500 војници во Ирак и речиси 1.000 во Сирија, Франција, исто така, одржува сили од околу 600 војници во регионот како дел од операцијата Шамал, нејзината примарна мисија против ИСИС, која првпат беше лансирана во 2014 година.
Катастрофа за Палестинците
Францускиот претседател Емануел Макрон изјави вчера во Рамала, на окупираниот Западен Брег, во изјави до претседателот на палестинската управа Махмуд Абас, дека нападот на Хамас против Израел е исто така „катастрофа за Палестинците“ и дека „ништо нема да може да го оправда страдањето“ на цивилите во Газа.
„Еден палестински живот вреди колку и францускиот, како и израелскиот“, рече Макрон во изјавите до Абас, кој побара од него да работи на ставање крај на израелската „агресија“ во Газа.
Абас му рекол дека го моли да направи нешто за да ја спречи оваа агресија.
Страв од поделба во Франција
Францускиот претседател Емануел Макрон претходно изјави дека конфликтот на Блискиот Исток би можел да биде „елемент на поделба“ ако ситуацијата се погрешно управува.
„Сите ние сме Французи и не смееме да го увеземе овој конфликт“, рече Макрон