Дури десет пожари изгаснале изминатото деноноќие пожарникарите на Теритроијалната противпожарна единиц Куманово.
Како што информираат од Регионалниот центар за управување со кризи, во најголем дел од пожарите гореле сува трева или стрништа.
Во атарот на селото Никуштак горела сува трева. Таму во период од 05:10 до 10:50 часот интервенирале четворица пожарникари.
Сува трева горела и во селото Умин Дол, каде во период од 10:00 до 10:30 часот интервенирале двајца пожарникари.
И во атарот на селото Тромеѓа горела сува трева, каде четворица пожарникари гаснеле во период од 13:20 до 15:30 часот.
Во населбата Карпош гореле запалена сува трева и отпад. Интервенирале двајца пожарникари во период од 13:20 до 15:00 часот.
Поголема површина сува трева и стрништа гореле во пожар кој избувнал во населбата Пуковско и село Провце. Таму во период од 15:15 до 18:15 часот гаснеле дури десет пожарникари со три противпожарни возила.
Поголема површина стрништа и сува трева гореле и во селата Шупли камен и Доброшане, каде во период од 16:00 до 18:00 часот интервенирале десетмина пожарникари со три возила.
Горело и на месноста Живкова карпа во селото Провце. Таму во период од 16:00 до 21:50 часот тројца пожарникари гаснеле запалена сува трева.
Атарите на селата Речица и Ваксинце исто така биле зафатени од пожар на запалена сува трева и стрниште. Четворица пожарникари се бореле со огнот тука од 18:30 до 22:40 часот.
И во селото Романовце гореле сува трева и стрништа. Таму со огнот се бореле тројца пожарникари од 19:55 до 20:50 часот.
Кај репетиторите во населбата Перо Чичо горела сува трева при што интервенирале четворица пожарникари од 18:40 до 19:40 часот.
Во селото Брозак тројца пожарникари гаснеле сува трева од 21:00 вчеравечер до околу пет минути по полноќ.
Пожар повторно избувнал во атарот на селото Романовце во текот на ноќта, кога во период од 02:36 до 04:40 часот утринива интервенирале тројца пожарникари.
Никола Ивановски