Анкара не е обврзана да го прави истото како земјите од ЕУ во однос на антируските санкции, изјави турскиот претседател Реџеп Таип Ердоган, пренесува РИА Новости.
– Ние сме должни да го правиме истото како членките на ЕУ? Позицијата на Турција во светот е различна, различна од позицијата на земјите-членки на ЕУ. Русија е еден од нашите најблиски соседи и имаме заедничка историја, нагласи Ердоган.
Мевлут Чавушоглу претходно на прес-конференција со американскиот колега Eнтони Блинкен рече дека Анкара не се приклучува кон едностраните санкции против Русија, ниту пак дозволува нивно заобиколување.
Официјалниот претставник на Ердоган, Ибрахим Калин, изјави дека доколку Турција воведе санкции кон Русија, таа првенствено ќе игра против самата Анкара.