Пожар беснее во грчката префектура Магнезија и покрај титанските напори да се локализира пожарот што во средата избувна во Велестина и однесе два животи.
Во тек е битка со пожарот на крајбрежната област кон Неа Агиалос, каде од рано утрото покрај копнените сили оперираат и три авиони и еден хеликоптер.
Автобусите сообраќаат на железничките линии на релација Лариса-Волос, поради пожарот на поширокото подрачје, информираат од железничката станица Хеленик, пренесува порталот Прототема.
Рано утринава, нешто по 1:30 часот, е испратена порака до жителите на Мелисатика да се евакуираат кон Волос.
Потоа, во 05:30 часот, со нова порака, Цивилната заштита побара евакуација на областа Криси Акти Панаги, Веланиди, Маратос и Критари.
Малку подоцна, во 05:46 часот е испратено ново предупредување за областите Пефкаки, Алиќес, Аг. Георгиос и Неа Агсијалос.
Пожарот на Родос трае веќе 10-ти ден, но во источниот дел стивнува.
На југозапад, пожарникарите дејствуваат северно од Лаерма и југозападно од Вати.
Покрај копнените сили, од утрово помагаат и три авиони и три хеликоптери.
Подобра е состојбата на Крф, каде пожарот се повлекува, но таму се уште има расфрлани пожари.
Во текот на вечерта преовладуваше силен северно-северозападен ветер. Пожарникарите го гаснат пламенот, а во атарот на селото Лафки се распоредени два авиони.
Во Каристос, напорите на противпожарната бригада биле концентрирани во областа Антија, додека во исто време пожарот се проширил кај Платанистос.
Во пожарот во Еџи, според Противпожарната служба, пожарот се повлекува, а иако во текот на денот имало мали пожари на критичните места, сите биле локализирани и санирани.