Времето денеска низ Македонија ќе биде сончево и многу топло со мала до умерена локална облачност, информираат од Управата за хидрометеоролошки работи.
Ќе дува умерен, а наместа долж Повардарието повремено засилен ветер од северен правец.
Минималната температура ќе биде во интервал од 16 до 24, а максималната ќе достигне од 34 до 41 степен.
УВ индексот ќе биде многу висок и ќе има коефициент 10, што значи штетно за здравјето.
Во Куманово и околината денеска ќе имаме сончево и многу топло време. Постојат слаби услови за нестабилност во попладневните часови со дожд и грмотевици.
Ќе дува слаб до засилен ветер од северен правец. Температурата во утринските часови ќе се движи околу 17 степени, додека дневниот максимум се очекува да се искачи до 35 степени целзиусови.
И за денеска останува издаденото портокалово предупредување за опасност од високи температури.
Подрачјето на Македонија, како што велат од УХМР, и понатаму ќе биде под влијание на многу топла воздушна маса.
Ќе се задржи многу топло време со високи температури, утринските на повеќе места ќе бидат над 20, а дневните наместа ќе достигнуваат и над 40 степени поради што ќе биде активно портокалово ниво на опасност од високи температури.
Никола Ивановски