Најмалку пет лица загинаа, а пет се повредени при уривање на авион „цесна“ во хангарот на аеродромот во Нашелск, во близина на Варшава, соопшти полската полиција.
Loading...
„Пет лица загинаа, пет се повредени, а четири лица се неповредени“, изјави за полската телевизија Полсат Маника Новаковска-Бринда од локалната полициска команда.
Најмалку 10 лица се засолниле во хангарот од дождот, а авионот удрил во хангарот околу 19 часот додека се обидувал да слета во лоши временски услови, а меѓу загинатите е и пилотот.
Тој авион се користи за скокови со падобран.
На терен се возила на брза помош, хеликоптери и 16 спасувачи од полската противпожарна гарда.
Медиумите јавуваат дека спасувачите трагаат по уште две лица во урнатините на хангарот.