Белорусија, која ѝ помага на Русија во нејзината инвазија на Украина, во средата објави дека нејзините вооружени сили започнале десетдневна годишна „мобилизациска вежба“.
Белоруското Министерство за одбрана соопшти дека целта на вежбите е да се процени нивото на подготвеност на државните институции за мобилизација на резервистите.
Сите мажи мора да служат војска во таа земја, а по воениот рок остануваат во резерва.
Белорусија ѝ дозволи на Русија да изврши напади врз Украина од нејзина територија.
Оттогаш одржа серија воени вежби со Русија и им дозволува на руските војници да ги користат нејзините бази за вежби.
Белорусија почна да добива руско тактичко нуклеарно оружје овој месец, за што рускиот претседател Владимир Путин рече дека е предупредување за Западот.
Белоруските сили не се вклучија директно во војната на страната на Москва, но претседателот Александар Лукашенко рече дека ќе го сторат тоа доколку има „целосна агресија“ против неа.