Денеска претпладне времето низ Македонија ќе биде умерено облачно, претжено во западните делови.
Преку денот ќе преовладува сончево со мала облачност и со слаб ветер од северен правец.
Минималната температура ќе биде во интервал од 6 до 12, а максималната ќе достигне од 18 до 25 степена.
Во Куманово и околината денеска ќе имаме променливо облачно време и без врнежи.
Ќе дува слаб до умерен ветер од северен и северозападен правец. Утринската температура ќе се движи околу девет степени, а дневниот максимум се очекува да достигне до 22 степени целзиусови.
Променливо облачно и суво време ќе имаме и утре кога ќе дува слаб до умерен ветер од југ и југоисток.
Температурата ќе биде во интервал од 11 степени во утринските часови, до максимални 25 во текот на денот.
Недела носи претежно облачно време во комбинација со малку сончеви периоди, но и дожд.
Ќе дува слаб до умерен ветер од исток и југоисток. Минималната температура ќе се движи околу 11 степени, а максималната се очекува да се искачи до 23 степени целзиусови.
Нестабилното време со врнежи од дожд и грмежи продолжува веќе од понеделник.
Никола Ивановски