Осумгодишно момче, кое се изгубило во шумата во американската сојузна држава Мичиген, преживеало два дена јадејќи снег и се криело под трупец.
Нанте Ниеми исчезна во саботата во државниот парк Поркупин Маунтс каде што кампуваше со своето семејство.
Момчето се изгубило додека собирало огревно дрво, а го барале 150 луѓе.
Тој бил пронајден жив и здрав под трупец, на три километри од кампот.
„Тој излегол и се сокрил каде што го најдовме“, се вели во соопштението на полицијата на државата Мичиген.
Момчето во полиција изјавило дека „јадел чист снег за да избегне дехидрација“.
Набргу откако момчето исчезнало во саботата, неговата мајка им се заблагодарила на луѓето за поддршката, но ги замолила сите „да се држат настрана бидејќи тоа е најбрзиот начин да го пронајдете“.
Теренот каде што се изгубил е „оддалечен и ридски со многу стоечка вода во овој период од годината“, соопшти полицијата.
Некои од патиштата беа непроодни поради количината на снег.
Спасувачкиот тим пребарувал околу 100 квадратни километри од паркот додека не го пронашле момчето.
Набрзо бил одведен кај семејството, соопшти полицијата.