Сингапур во средата погуби маж осуден за шверц на дрога, изјави претставник на неговото семејство.
Ова е направено и покрај молбите на неговите роднини и активисти за помилување.
Тангараџу Супиах (46) беше осуден во 2013 година за поседување и трговија со повеќе од еден килограм канабис, што е двојно повеќе од прагот на смртната казна во градот-држава позната по своите строги закони за дрога.
Кокила Анамалаи, активист за човекови права од Сингапур, кој го застапува семејството, потврди дека Супиах бил погубен со бесење откако претседателот ги отфрлил молбите за помилување пред егзекуцијата.
Неговото семејство молеше за помош до крај. Десет часа пред егзекуцијата, неговиот внук и внука објавиле видео во кое апелираат за помилување.
„Ќе го убијат во шест сабајле, а ќе се надеваме до 5:55. Вујко ми е многу добар човек, не бил образован, ниту имал пари, но се трудел да се грижи за нас“, вели внуката. .
With less than 10 hours to go before his scheduled hanging, his niece and nephew are appealing to the public to continue calling on President Halimah Yacob and the Singapore government to show mercy and stop his execution.#StopTheKilling #SpareTangaraju pic.twitter.com/fKWEaDwbtd
— Transformative Justice Collective (@tjc_singapore) April 25, 2023
Британскиот милијардер Ричард Бренсон, познат противник на смртната казна, рече дека пресудата против Супија не ги исполнува стандардите за кривично дело, бидејќи тој не бил во близина на дрога кога бил уапсен.
Владата одговори велејќи дека Бренсон шири невистини и не го почитува правосудниот систем на Сингапур, додавајќи дека судовите потрошиле повеќе од три години во истрага на случајот и дека тврдењето на Бренсон е „очигледно лажно“.
Канцеларијата за човекови права на Обединетите нации, исто така, го повика Сингапур да не ја извршува егзекуцијата и да „усвои официјален мораториум за егзекуции за прекршоци поврзани со дрога“.
Сингапур погуби 11 лица минатата година и вели дека смртната казна е ефикасно спречување на дрога и дека повеќето луѓе ја поддржуваат политиката.