Алијансата за позитивна Македонија ја поздравува одлуката на Собранието на Република Македонија за одлагање на предвремените парламентарни избори за 5 јуни 2016, се вели во партиското соопштение на партијата испратено до медиумите.
Воедно, АПМ ги поздравува напорите на Меѓународната заедница за обезбедување на фер и демократски избори во Македонија и враќањето на Македонија кон евро-атланскиот пат.
Сакаме да ја потсетиме јавноста дека АПМ повеќепати сугерира и се залага за спроведување на фер и демократски избори што е можно само преку прочистување на избирачкиот список, уредување на медиумската сфера и почитувањето на препораките на ОБСЕ/ОДИХР од последните парламентарни избори.
Исто така АПМ е сé повеќе убедена дека сегашниот политички естаблишмент во Македонија, нема капацитет и услови да ја доведе Македонија до организирање на фер и демократски избори и поради тоа предлага, да се воспостави техничката влада како меѓународен политички борд и технички премиер од редот на странски искусни политичари, имајќи во предвид и изјавата на техничкиот премиер Емил Димитриев дека сака да отстапи функцијата, се вели во сооштението на АПМ.