Претседателот на Украина, Володимир Зеленски, ја разгледа електронската петиција, чии автори предлагаат Русија официјално да се преименува во „Московија“, терминот „руски“ да се замени со терминот „московски“, а „Руска федерација“ од Московската федерација.
Зеленски изјави дека побарал од премиерот Денис Шмигал ова прашање сеопфатно да се разработи заедно со научните институции, пренесува Украинска правда.
Претседателот на Украина посочи дека прашањето покренато во петицијата бара внимателно проучување, и во историски и културен контекст и земајќи ги предвид можните меѓународни правни последици.
Електронската петиција е потпишана од повеќе од 25.000 граѓани, а во неа се наведува дека „историското име на Русија е Московија“.
Авторите на петицијата тврдат дека „Русија постои само 301 година“ – од 22 октомври 1721 година, кога, како што наведуваат, „Цар Петар I ја прогласил Московската империја за Руска империја“.