Германскиот канцелар Олаф Шолц изјави дека сака да ги продлабочи односите на Германија со Индија пред неговата средба со индискиот премиер Нарендра Моди во Њу Делхи.
„Индија и Германија имаат многу добри односи и сакаат да ги продлабочат. Тоа ќе биде тема на нашите разговори и што е најважно, мирот во светот“, напиша Шолц на Твитер.
Шолц ја посети Индија еден ден по првата годишнина од војната во Украина, нагласувајќи ја зголемената важност на Делхи за западните сили, кои бараат поддршка за да се спротивстават на руската инвазија.
Шолц, исто така, ќе се заложи за договор од 5,2 милијарди долари за продажба на шест конвенционални подморници на Индија во обид да се намали зависноста на Њу Делхи од Русија за воена опрема, напор што не се очекува да даде моментални резултати, рече тој.
Индиската влада не ја критикуваше отворено Москва за нападот на Украина и наместо тоа, повика на дијалог и дипломатија за да се стави крај на војната.
Индија значително го зголеми купувањето на нафта од Русија, нејзиниот најголем снабдувач, а цената на руската нафта падна.
Во Индија се присутни околу 1.800 германски компании, а Шолц пристигна со деловна делегација со надеж дека ќе го зголеми нивниот број, особено во областа на зелената технологија.