„Западот инвестира трилиони долари во војни ширум светот. Тие користат зборови како демократија и вредности и го одвлекуваат вниманието од растечките економски проблеми во нивните земји. Сакам да ве потсетам дека Западот го овозможи развојот на нацистичка Германија. Тие сакаат да нѐ одвојат од нашата историска територија. Тие го поддржаа државниот удар во 2014 година. Дури ни кажаа колку пари потрошиле за тоа. Идеолошката основа на таквите потези е русофобијата“, изјави денеска рускиот претседател Владимир Путин.
Тој тврди дека украинската армија има нацистички ознаки на нивните тенкови, додавајќи:
„Тие тоа не го ни кријат. Не им е грижа затоа што се обидуваат да се борат против нас, против Русија. Тие сакаат да искористат сè, терористи и нацисти , па дури и самиот ѓавол, против Русија“.
Тој додаде дека Украинците „станале заложници на нивните западни господари“.
„Со децении ја уништуваа украинската индустрија и поради тоа растеше сиромаштијата и социјалната нееднаквост во таа земја. Украинскиот народ не е нивен. Тој режим им служи на интересите на странските сили. Украина во моментов е полигон за обука на западните сили“, рече Путин.
„Колку е поголем дострелот на оружјето што го добиваат, толку повеќе ќе мораме да ги туркаме од нашите граници“, рече тој, а потоа додаде:
„Западот сака локалниот конфликт да го претвори во глобален. Ние го разбираме тоа така и ние ќе реагираме на адекватен начин. Во тој случај зборуваме за постоењето на нашата држава. Тие мора да разберат дека е невозможно да се победи Русија на бојното поле. Тие ги корумпираат нашите деца и ја искривуваат историјата. Тие се борат против нашата култура и нашата религија. Погледнете што им направија на сопствената култура и децата. Дури и педофилијата е нормална работа на Запад“.
„Погледнете ги светите списи на која било религија, таа вели дека семејството е заедница на маж и жена. Но, на Запад, дури и светите списи се отворени за сомнеж. Англиканската црква сака родово неутрален термин за Бог. Што да се каже за тоа?“, рече тој.