Општина Куманово постави фотоволтаици на гимназијата „Гоце Делчев“, соопштија денеска надлежните. Ова е трет објект на училиштата каде се поставени фотоволтаици.
– Поставени се соларни панели за сопствено производство на електрична енергија во СОУ Гимназија „Гоце Делчев“ во Куманово. Целосно беше реконструиран кровот на училишниот објект и спортската сала. Целосно беше заменета фасадата со нова енергетско ефикасна фасада. Целосно беа заменети прозорците со нови енергетско ефикасни ПВЦ прозорци, објави кумановскиот градоначалник, Максим Димитриевски.
Општината претходно постави фотоволтаици и на средните стручни училишта „Перо Наков“ и „Наце Буѓони“. Фотоволатици ќе бидат поставени и на објектот на средното „Перо Наков“ каде наставата се изведува и на албански наставен јазик.
Зголемените цени на енергенсите го зголемија интересот за поставување фотоволтаици и кај домаќинствата и кај приватниот сектор.И локалниот економско-социјален совет одржа неколку средби со бизнис заедницата за придобивките од поставувањето на фотоволтаици како и со граѓани и општински установи и институции.
МИА