Помеѓу 17-те лица на кои им се заканува смртна казна во Иран за учество во антивладини протести, има и една жена, изјави денеска претставник на ОН.
„Две егзекуции се неизбежни“, рече Мохамад Алнсур, претставник на ОН за човекови права на Блискиот Исток.
Комесарот на ОН за човекови права Фолкер Турк ги повика верските власти во Техеран да ги прекинат егзекуциите.
Тој тврди дека сите признанија биле изнудени бидејќи уапсените биле подложени на тортура.
Досега се извршени четири смртни казни поради протестите во Иран
Досега се егзекутирани четворица учесници во протестите во Иран, кои се разгореа откако во септември во полиција за зачувување на моралот почина 22-годишната курдска девојка Џина Махса Амини.
На 7 јануари двајца млади момчиња беа егзекутирани поради обвинението дека за време на протестот убиле припадник на безбедносните сили.
Меѓу уапсените на протестот е и познатиот ирански алпинист и инструктор по алпинизам и слободно качување Сејед Хесам Мусави.
За него и за останатите четворица алпинисти од Шираз беше покрената петиција на Change.org, со помош на глобалната качувачка заедница собрана на социјалните мрежи за ослободување од затвор каде што се веќе еден месец.
Петицијата ја потпишаа и бројни хрватски алпинисти и досега се собрани 13.997 потписи.