Во 2023 година ни треба мир повеќе од кога било, порача генералниот секретар на Обединетите нации, Антонио Гутереш во својата новогодишна порака и истакна дека ни треба мир меѓу себе, со природата и климата, дома.
Ни треба мир на улиците и заедниците, со целосна заштита на сите човекови права, во светилишта, со почитување на верувањата меѓусебно, како и мир на интернет, без говор на омраза и злоупотреба, нагласи Гутереш.
„Во 2023 година да го ставиме мирот во срцето на нашите зборови и дела. Заедно да ја направиме 2023 година кога мирот ќе биде вратен во нашите животи, нашите домови и нашиот свет“, рече генералниот секретар на ОН.
Тој рече дека секоја Нова Година е момент на повторно раѓање, да се избрише пепелта од старата година и да се подготвиме за посветлен ден, а дека во 2022 година милиони луѓе ширум светот буквално ја збришале пепелта.
Гутереш изјави дека од Украина до Авганистан до Демократска Република Конго и пошироко, луѓето ги напуштиле урнатините на своите домови и животи во потрага по нешто подобро и дека ширум светот, 100 милиони луѓе се во движење, бегајќи од војни, пожари, суши, сиромаштија и глад.