Украинските медиуми уште еднаш објавија за наводната тешка болест на рускиот претседател, пренесува Јутарњи лист.
Како што се додава во објавата, тие тврдат дека Владимир Путин умира, боледува од тежок облик на рак и, за да биде иронијата поголема, само западната медицина го одржува во живот за да продолжи со инвазијата на Украина.
– Ќе ви кажам нешто многу директно. Без странски лекови, тој повеќе не би бил во јавниот живот. Тоа е апсолутно јасно! И тој ги прима овие лекови и покрај западните санкции. Тој користи најсовремени лекови кои Русија не може да му ги обезбеди. И покрај тоа, крајот е близу, бидејќи нема „вечен“ лек за толку тешка болест – изјавил за украинските медиуми рускиот историчар и политички аналитичар Валериј Соловјов, а пренесува британски Дејли Мејл.
Но, што ако ова е навистина вистина и рускиот претседател го напушти овој свет за една година?
Кој ќе ја води оваа светска велесила, кој ќе ја продолжи војната со Украина?
Весникот наведува дека прв на листата е малку познатиот министер за земјоделство Дмитриј Патрушев.
45-годишниот е син на еден од најблиските соработници на Путин, 71-годишниот поранешен шеф на озлогласената тајна служба ФСБ Николај Патрушев.
Тој се смета за еден од главните архитекти на инвазијата на Украина.
Друга можност е дека власта ќе ја преземе 50-годишниот Алексеј Думин, поранешен телохранител на Путин и поранешен министер за одбрана.
Соловиев не сакаше да открие каде се наоѓаат лекарите „неруски“ кои се грижат за Путин, но рече дека рускиот претседател многу им верува, а лекувањето е под строг надзор на московските експерти.
Дејли мејл наведува дека во медиумите веќе е објавена тезата дека Путин е зависник од лекови од Израел, во која се наведува и дека боледува од рак, пренесува Јутарњи лист.