Три момчиња загинаа кога паднаа низ мразот на езерото Бабс Мил на седум километри од Бирмингем во Велика Британија.
Три момчиња на возраст од 8, 10 и 11 години загинале откако паднале низ ледено езеро во Солихал, непосредно пред Бирмингем, потврди британската полиција.
Четвртото момче, на возраст од шест години, останува во критична состојба по несреќата во Бабс Мил Парк.
Потрагата продолжува по непотврдените извештаи дека паднале повеќе деца, но властите велат дека тоа „веќе не е операција за пребарување и спасување“.
Четирите деца биле без свест кога спасувачките екипи ги извлекле.
Тие се пренесени во болница, но полицијата соопшти дека три деца починале.
Извештаите од местото на настанот и видеата на социјалните мрежи покажуваат дека децата си играле на мразот кога паднале, соопшти противпожарната служба.
Полицијата го пребарува езерото, иако нема потврда дека уште некој е исчезнат.