Неколку деца паднале низ замрзнато езеро во близина на Бирмингем, Англија, а четири биле спасени и пренесени во болница во критична состојба.
Властите велат дека инцидентот се случил кога децата си играле на мразот во Бабс Мил Парк.
Децата биле пренесени во две болници во Бирмингем.
Службениците на Брзата помош изјавиле дека при спасувањето децата доживеале срцев удар.
Вчера вечерта Ричард Стентон, шеф на противпожарната служба на Вест Мидлендс, изјави дека по пристигнувањето им било кажано дека во езерото има до шест лица.
Полицаец при спасувањето доживеал хипотермија
„Продолживме да бараме да видиме дали има други жртви“, рече Стентон, но подоцна додаде дека потрагата е прекината во текот на ноќта поради студената вода, возраста на децата кои паднале низ езерото и времето кое можеби го минале во вода.
Во моментот на несреќата температурата на воздухот била 1 степен целзиусов, пишува Би-Би-Си.
Суп Ричард Харис, од полицијата на Вест Мидлендс, рече дека еден полицаец претрпел блага хипотермија за време на спасувањето и превентивно бил пренесен во болница.
Службите за итни случаи соопштија дека биле повикани на местото на настанот во неделата во 14.30 часот и дека првото возило пристигнало за седум минути по повикот.