Времето денеска претпладне низ Македонија ќе биде со значителна ниска облачност, а преку денот сончево со умерена облачност.
Максималната температура ќе достигне од 8 до 13 степени, информираат од Управата за хидрометеоролошки работи.
Во Куманово и околината денеска ќе имаме облачно време со слаб до умерен ветер од западен, односно југозападен правец.
Температурата ќе биде во интервал од 2 степени во утринските часови, до максимални 9 во текот на денот.
Облачно и суво време во кумановско ќе имаме и во текот на утрешниот ден. Ќе дува слаб до умерен ветер од јужен правец. Утринската температура ќе се движи околу 6 степени, а максималната дневна ќе достигне до 9 степени целзиусови.
Недела носи облачно време со врнежи од дожд. Ќе дува слаб до засилен ветер од југ, односно југоисток. Температурата во утринските часови ќе се движи околу 8 степени, а максималната дневна ќе достигне до 10 степени целзиусови.
И во текот на следната работна недела се очекува претежно облачно време со врнежи од дожд.
Никола Ивановски