Портпаролката на руското Министерство за надворешни работи, Марија Захарова, изјави дека „Вашингтон воопшто не е заинтересиран“ да го истражи инцидентот во Полска во кој загинаа две лица во вторникот вечерта, откако ракета падна во полското село Пржеводово, бидејќи „САД секогаш имаат кого да обвинат.”.
„Американската влада навистина не се грижи за резултатите од истрагата, кој ја испука ракетата. Белата куќа никогаш не била толку транспарентна. Американската влада секогаш има „дежурен виновник“ од политички причини“, рече Захарова на Телеграм. , пренесе ТАС С.
Генералниот секретар на НАТО, Јенс Столтенберг, Полска и САД претходно објавија дека ракетата најверојатно дошла од Украина, како резултат на дејството на украинската противвоздушна одбрана.