Основачот на SpaceX, Илон Маск, поднесе барање за запирање на тужбата поднесена од Twitter до следната година, откако социјалната мрежа побара забрзана постапка.
Според американските медиуми, во судски документ адвокатите на Илон Маск го обвинуваат Управниот одбор на Твитер дека сака да го забрза случајот.
Одборот на директори на Твитер во вторникот започна правна постапка против Илон Маск за да го принуди да ја купи платформата според условите договорени кон крајот на април, според кои групата со седиште во Калифорнија се проценува на 44 милијарди долари.
Директорите на Twitter би сакале судењето да започне во септември за да не се продолжи периодот на неизвесност што делумно ја парализира компанијата.
Маск побара да не се започне пред 13 февруари, со оглед на сложеноста на елементите што треба да се испитаат.