Петте преостанати кандидати за следен британски премиер ќе се соочат на првата од трите телевизиски дебати во петок, надевајќи се дека силен настап ќе ги зголеми нивните шанси во битка во која нема јасен фаворит.
Првичната група од 11 кандидати е намалена по два дена гласање на пратениците од владејачката Конзервативна партија, но никој сè уште не се појави како очигледен наследник на Борис Џонсон, кој објави дека се повлекува по серијата скандали.
Додека поранешниот канцелар на финансии Риши Сунак излезе на врвот, тој сега се соочува со силна конкуренција од министерката за надворешни работи Лиз Трас, поддржана од голем број високи личности и министерката за трговија Пени Мордоунт, која според анкетите е најпопуларна во партијата чии членови ќе го реши победникот.
Поранешниот министер за еднаквост Кеми Баденох и Том Тугендат, претседател на парламентарната комисија за надворешни работи, исто така, остануваат во трката и се надеваат дека силен настап во телевизиските дебати ќе им даде импулс на нивните кампањи.
Кој и да победи ќе мора да се бори против зголемената инфлација и нискиот економски раст, како и недостигот на доверба на јавноста во политиката по бројните скандали на власт.
Анкетите на гласачите покажуваат и дека конзервативците значително заостануваат зад опозициската Лабуристичка партија.