Здравствените работници од неколку американски држави пријавиле појава на вирус кој може да биде опасен за доенчиња помали од 3 месеци и кој може да предизвика напади (конвулзии), менингитис и други сериозни болести.
Центрите за контрола и превенција на болести (ЦДЦ) издадоа предупредување со кое ги известуваат лекарите и одделенијата за јавно здравје дека има случаи на инфекција со ХПеВ кај новороденчиња и мали доенчиња од мај.
Во предупредувањето не е наведено во кои земји се регистрирани инфекциите, колку случаи се пријавени или колку заразени има во споредба со претходните сезони.
Сепак, се советува систематско следење на инфекциите, пишува NBC News.
Симптоми и ширење на инфекција
ЦДЦ наведува дека секој позитивен случај го вклучувал типот PeV-A3 кој најчесто предизвикува тешка болест.
Овој вирус, вообичаен патоген во детството кој циркулира во лето и есен, се шири со кивање, кашлање, плунка и измет и обично предизвикува помалку сериозни симптоми на болеста кај деца постари од 6 месеци.
Симптомите вклучуваат осип, инфекција на горните дишни патишта и висока температура.
Експертите кои ја испитувале цереброспиналната течност на бебињата со тешки инфекции со овој вирус откриле дека нивните бели крвни зрнца речиси целосно исчезнале. Засега не постои лек за оваа инфекција.
ЦДЦ побара од лекарите да ги тестираат доенчињата за кои постои сомневање дека се заразени со ХПеВ и да ги чуваат бебињата во посебни, одделени болнички единици за време на третманот за да се избегне ширење на болеста во градинките или одделенијата за неонатална интензивна нега.