Германскиот финансиски сектор во моментов е стабилен, и покрај честото неплаќање на финансиските обврски, но економијата се соочува со тешки времиња, со оглед на неизвесното снабдување со руски гас, предупреди во интервју шефот на финансискиот регулатор.
„Не очекувам акутна закана за финансиската стабилност на краток рок, но прашајте ме повторно за три до шест месеци. Тогаш работите би можеле да изгледаат поинаку“, изјави претседателот на BaFin, Марк Бренсон, за Sueddeutsche Zeitung.
Банките имаат проблеми со неплаќање на кредитите, но финансискиот систем засега е силен, изјави првиот човек на БаФин.
„Банките имаат многу повеќе капитал што ги штити од загуби отколку порано“, додаде тој.
Тој, исто така, предупреди дека енергетската криза ќе изврши притисок врз целата германска економија, во период на зголемени стравувања дека Русија би можела уште повеќе да ја намали испораката на гас.
„Државата не може да апсорбира сè“, нагласи Бренсон.