Две лица ги загубија животите во Москва при големо невреме кога врз нив паднале дрвја во неделата, а уште 18 се повредени, изјави за ТАС С извор од руската служба за итни случаи.
Loading...
„По соборувањето на дрвјата, 18 лица се повредени, меѓу кои три деца, а две лица загинаа“, рекол изворот.
Во градот се соборени вкупно 255 дрвја, а оштетени се околу 100 возила.
Ветерот ги отфрли покривите на девет згради.
Во поширокиот московски регион шест лица се повредени за време на невремето, меѓу кои и две деца кои се пренесени во болница.
Во Московската област, како последица на природната катастрофа, паднаа речиси 200 дрвја.