Борис Џонсон ги предводеше британските конзервативци до најголемата изборна победа од 1987 година пред помалку од три години.
Сега британскиот премиер ја загуби поддршката од своите претставници и е подготвен да поднесе оставка на чело на партијата.
Како што вели, се надева дека до есен ќе биде премиер.
Би-би-си наведе пет работи кои доведоа до пад на Џонсон.
Аферата Крис Пинчер
Пратеникот Крист Пинчер отиде во приватен клуб на членови во Лондон на 29 јуни, кога беше заменик-претседател на Конзервативната партија.
Потоа беше обвинет дека пипкал двајца мажи, што доведе до серија обвиненија. Пинчер рече дека пиел премногу и се посрамотил.
По аферата Пинчер следеа настани кои доведоа до пад на британскиот премиер. Пинчер беше обвинет за слични работи години пред тоа.
Прво, Даунинг стрит рече дека Џонсон бил свесен за конкретните обвинувања против Пинчер пред да го назначи за заменик во февруари. Тоа се покажа како неточно.
Лорд Мекдоналд, поранешен висок државен службеник во Форин Офисот, рече дека премиерот бил лично информиран за наводите.
Џонсон подоцна призна дека знаел за случајот во 2019 година и јавно се извини што го ставил Пинчер на заменичката позиција на Конзервативната партија.
„Партигејт“
Во април оваа година, британскиот премиер беше казнет поради кршење на правилата за карантин откако присуствуваше на собир на неговиот роденден во јуни 2020 година.
Џонсон се извини што отишол на забава на Даунинг стрит за време на првото заклучување.
Полицијата издаде 126 казни на 83 лица поради кршење на правилата за карантин во Даунинг Стрит и Вајтхол.
Високиот државен службеник Сју Греј напиша во извештај дека голем број политичари ги прекршиле правилата за карантин.
Раководството на партијата мора да одговара за ваквото однесување“, напиша Греј.
Минатиот месец Џонсон пред комисијата на британскиот Дом на општините изјави дека тој и неговите колеги ги следеле сите упатства.
Сега комисијата истражува дали премиерот свесно го довел во заблуда Парламентот.
Трошоци за живот и даноци
Инфлацијата нагло порасна во 2022 година, при што сегашната стапка на инфлација во Велика Британија е 9,1 отсто.
Руската инвазија на Украина доведе до зголемување на цените на храната и нафтата.
Владата на Џонсон презеде некои чекори за да помогне, како што е намалување на данокот на гориво за пет пени по литар, но даночните зголемувања продолжија во април. Исто така, Националното осигурување се зголеми за 1,25 пени.
Владата соопшти дека зголемувањето на даноците ќе ги плати здравствената и социјалната заштита. Иако промените кои стапија на сила оваа недела ги олеснија работите за граѓаните, секој што заработува над 34.000 фунти годишно, сепак ќе плати повеќе.
Владата на Џонсон беше критикувана поради тоа што одлучи да ги зголеми даноците на работниците во услови на највисоки трошоци за живот.
Суспензија на Овен Петерсон
Во октомври 2021 година, Комитетот на Долниот дом препорача 30-дневна суспензија за тогашниот конзервативен пратеник Овен Патерсон.
Одборот рече дека Петерсон ги прекршил правилата за лобирање во корист на компаниите што му плаќале.
Конзервативците, на чело со Џонсон, ја прекинаа неговата суспензија и формираа комитет за преглед на начинот на кој беше спроведена истрагата. Петерсон на крајот поднесе оставка.
Недостаток на идеи
Џонсон го освои своето мнозинство благодарение на јасната политика кон завршување на Брегзит.
Критичарите на Џонсон велат дека оттогаш на премиерот му недостигаат идеи и фокус.
Многумина се сомневаа во филозофијата на Џонсон и се прашуваа дали воопшто постои.
Во јуни, конзервативниот пратеник и поранешен министер Џереми Хант го обвини Џонсон за недостаток на интегритет, визија и компетентност.