Двајца полицајци беа застрелани за време на прославата на четврти јули во Филаделфија, соопшти градската полиција.
Полицијата соопшти дека нивни ранети колеги биле обезбедувачи на концерт организиран по повод Денот на независноста.
Во нив било пукано непосредно пред огнометот.
Ниту еден полицаец не ги слушнал истрелите пред да бидат погодени, рече полицискиот комесар во Филаделфија, Даниел Аутлау.
„Не знаеме дали ова беше рикошет од славенички пукотници, не знаеме дали беше намерно“, рече таа.
На ранетите полицајци им била укажана помош во блиската болница и се пуштени дома.
На видеото од пукањето кое кружи на социјалните мрежи, може да се види толпа луѓе како трчаат по булеварот, додека на улицата трепкаат светлата на полициските и амбулантни возила.
Полицијата соопшти дека следи неколку траги во врска со пукањето, но засега нема осомничени или уапсени.
„Живееме во Америка, го имаме вториот амандман и го имаме Врховниот суд на САД кој им кажува на сите дека можат да носат пиштол каде што сакаат“, се налути градоначалникот на Филаделфија Џим Кени.
„Да имав способност да се грижам за оружјето, јас би. Но, законодавството не ни дозволува, Конгресот на САД не ни дозволува. Ова е земја на оружјето“, рече тој.
This is not a movie.#Philadelphia #Shooter
— Eleven Films (@Eleven_Films) July 5, 2022