Франција сака воена победа за Украина

Франција сака воена победа на Украина против Русија што ќе доведе до обновување на територијалниот интегритет на оваа земја, вклучувајќи го и Крим, кој Русија го окупираше во 2014 година, изјави денеска француски дипломатски извор.

Изворот додаде дека останува на украинскиот претседател Володимир Зеленски да дефинира каква би можела да биде воената победа, пренесува Ројтерс.

Францускиот претседател Емануел Макрон, германскиот канцелар Олаф Шолц и италијанскиот премиер Марио Драги пристигнаа во четвртокот во Киев за да ја покажат својата поддршка за Украина, која се бори против руската инвазија.