Куба осуди 381 лице за учество во антивладините протести минатото лето, а некои добија и до 25 години затвор.
Канцеларијата на јавниот обвинител соопшти дека 297 граѓани се осудени на затворска казна за немири, јавни немири, напад или грабеж.
Малцинството наместо затвор е осудено на општествено корисна работа, пишува Би-Би-Си.
Некои биле помлади од 18 години
Илјадници Кубанци учествуваа во демонстрациите низ целата комунистичка земја минатото лето, извикувајќи дека сакаат слобода.
Ова се најголемите протести во последните децении, поттикнати од тешката економска криза и бесот поради зголемените цени и недостигот на храна и лекови.
Неовластените јавни собири во Куба се нелегални, а повеќе од 1.000 луѓе се уапсени.
Меѓу осудените имало и 16 лица на возраст од 16 до 18 години. Ова не се првите казни изречени за протестирање.
Во март, повеќе од 100 луѓе кои учествуваа во нив беа осудени на меѓу шест и 30 години затвор.
САД и ЕУ ги критикуваа судењата за недоволна транспарентност и повикаа на ослободување на демонстрантите.