Војната во Украина влезе во 100-тиот ден. Шест пакети санкции на ЕУ стапуваат на сила денеска.
Соединетите Американски Држави, исто така, воведуваат нови санкции кон Русија. Москва вели дека бродовите со жито можат да ги напуштат украинските пристаништа. Киев вели дека води исклучиво одбранбена војна.
НАТО нема да ѝ диктира на Украина како да преговара
НАТО нема да ѝ диктира на Украина со какви услови треба да се согласи во преговорите со Русија, изјави генералниот секретар на Северноатлантската алијанса, Јенс Столтенберг.
Амбасадорите во ЕУ вчера го одобрија шестиот пакет санкции против Русија, со што се отвори патот тие да стапат во сила денеска.
Поставена е делумна рампа на увозот на руска нафта, а од црната листа е отстрането името на патријархот московски и на цела Русија Кирил, за да се исполнат барањата на Унгарија.
Веб-страницата на американското Министерство за финансии објави дека Вашингтон воведе нови санкции кон Русија, кои погодија 17 лица.
Санкциите погодија и 16 ентитети, седум пловни објекти и три авиони.
Руското Министерство за одбрана објави дека на бродовите што превезуваат жито им е дозволено да ги напуштат украинските пристаништа во Црното Море преку хуманитарни коридори и дека Русија е подготвена да ја гарантира нивната безбедност.
Украинскиот претседател Володимир Зеленски го повика Западот да ги зголеми испораките на оружје за Украина со цел да започне војна кон пресвртна точка што ќе и овозможи да победи.