Кина влезе во зоната за воздушна одбрана на Тајван со 30 авиони, од кои 20 ловци, соопштија тајванските власти.
Ова е најголемиот упад од 23 јануари кога 39 авиони влегоа во таканаречената зона за идентификација на воздушната одбрана (АДИЗ) на тој остров.
Америка уапси 10-годишно момче поради закани за пукање во училиште (ВИДЕО)
Министерството за одбрана на Тајван синоќа соопшти дека поради упад на кинески авиони ја подигнале нивната авијација и го активирале ракетниот систем за противвоздушна одбрана за следење на кинеските активности.
Во последниве години, Пекинг почна да ја нарушува зоната за воздушна одбрана на Тајван за да покаже незадоволство од Тајпеј и неговата политика на зајакнување на независноста и да го задржи притисокот врз нејзината застарена авијација.
Америка уапси 10-годишно момче поради закани за пукање во училиште (ВИДЕО)
Тајван живее под постојана закана од кинеска инвазија. Пекинг ја смета територијата за своја и вети дека ќе ја врати, доколку е потребно со сила.
САД ја обвинија Кина минатата недела за подигање на тензиите околу Тајван, а американскиот државен секретар Ентони Блинкен конкретно ги спомна воздушните напади, кои, според него, се пример за „сè попровокативна реторика и активности“ на Кина.
Америка уапси 10-годишно момче поради закани за пукање во училиште (ВИДЕО)
Неколку дена претходно, американскиот претседател Џозеф Бајден увери дека Вашингтон е подготвен воено да го брани Тајван во случај на напад од Кина. Сепак, Белата куќа подоцна нагласи дека нејзината политика на „стратешка двосмисленост“ кон Тајван останува непроменета.
Тајванската зона Адиз е многу поширока од нејзиниот воздушен простор и на некои места се преклопува со истата зона на Кина.
Америка уапси 10-годишно момче поради закани за пукање во училиште (ВИДЕО)
Тајван забележа рекордни 969 кинески воздушни нарушува минатата година, двојно повеќе од 380 регистрирани во 2020 година.
За само еден ден, 4 октомври 2021 година, 56 авиони влегле во воздушната зона на Тајван, а 196 во целиот месец октомври, кој започнува со кинескиот национален празник.
Тајван од почетокот на годината забележал 465 упади во воздушната зона, што е за речиси 50 отсто повеќе од истиот период лани.