Веројатно на многумина им се случило старата љубов да се врати во живот. Емотивната врска во одреден момент е прекината, но не сте сигурни дали треба да се обнови.
Според психолозите, оние луѓе со кои имавме романтични врски, но и ги оставивме тие приказни „незавршени“, се враќаат во живот.
Експертите за врски велат дека треба да направите три работи ако сте спремни да дозволите некој што некогаш сте го сакале повторно да оживее.
- „Загреани компири“ или „загреани сарма“?
Овие изрази често се користат кај нашиот народ кога се зборува за стара љубов. Кога сме кај кулинарскиот речник, старата љубов може да биде како „загреан компир“, кој е невкусен, но и како „загреана сарма“, која колку повеќе се загрева е повкусна. Запомнете што е тоа што излеговте од врската со таа личност која се враќа кај вас сега и видете дали тоа е нешто што можете да го прифатите сега.
Луѓето се менуваат, па многу е можно вие двајца во меѓувреме да сте се промениле и да сте почнале да гледате поинаку на некои работи. Не губите ништо ако се обидете повторно и ѝ дадете нова шанса на вашата љубов.
- Расчистете ги „сметките“ од минатото
Можно е да сте раскинале затоа што некој повредил некого. Ако тоа беше причината за раскинувањето, треба пред повторно да влезете во врската, да го објасните вашето однесување во тоа време и причините зошто тоа се случило така. На самиот почеток расчистете ги сите нејаснотии и „сметки“ од минатото.
Повторната врска може да биде обземена од минатото ако не го направите тоа, а потоа ќе биде осудена на пропаст дури и пред да започне повторно.
Запомнете ја ситуацијата и проценете дали таа врска била штетна за вас двајца. Ако одговорот е да, без разлика каква желба имате меѓу вас, имајте на ум дека последното нешто што ви треба е да ја повторите таа шема.
- Подгответе се за порој од емоции
Доколку меѓу вас имало силни емоции, кои сте ги потиснале, кога ќе го ослободите „духот од шишето“, очекувајте порој кој може да ве остави без здив. Особено ако меѓу вас постоела силна привлечност, која повторно сте ја почувствувале.
Бидете подготвени да се соочите со нешто што веројатно никогаш досега не сте го почувствувале.