Осум мотоциклисти во Куманово биле казнети во текот на вчерашниот ден, односно вкупно 15 на подрачјето на Секторот за внатрешни работи Куманово.
– Во текот на вчерашниот ден (28.04.2022) во периодот од 13.00 до 19.00 часот спроведена е зајакната акциска контрола на територијата на СВР Куманово за санкционирање на прекршоци што ги прават возачите на мотоцикли, информираат од кумановската полиција.
Притоа, санкционирани се 15 возачи, од кои 8 во Куманово, 6 во Крива Паланка и 1 во Кратово.
Засилените акциски контроли, како што потенцираат од СВР Куманово, продолжуваат и во наредните денови.
– Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, стои во соопштението.
Никола Ивановски