Руски борбени авиони во текот на ноќта уништија 87 украински воени објекти и убиле околу 500 припадници на украинската армија, соопшти денеска портпаролот на руското Министерство за одбрана Игор Конашенков.
Конашенков, исто така, рече дека „повеќе од 60 членови на неонацистичкиот одред „Донбас“ се елиминирани во областа на населбата Рубчи во Доњецката Народна Република“, пренесе Тас.
„Оперативно-тактички и воено воздухопловни авиони погодија 87 украински воени објекти, вклучително и 79 каде што беше концентрирана непријателска жива сила и воена опрема. Околу 500 непријателски членови, 59 оклопни возила, артилериско оружје и автомобили исто така беа елиминирани“, изјави руски воен претставник.
Конашенков изјави и дека се уништени два фрлачи на противвоздушни ракетни системи „Бук М1“ и „Оса АКМ“ во областите Весјоло и Присиб, како и две складишта за муниција во областите Новоселовка и Славјанск.
Германија најде нов начин за снабдување со оружје на Украина
Тој изјави дека руските системи за противвоздушна одбрана синоќа собориле 13 украински беспилотни летала во областите на населбите Нови Мир, Очеретино Мирно, Доњецк, Новољубка, Балаклеја и Казачја Лопан.
Соопштено е дека противвоздушниот ракетен систем „Бук-М1“ соборил две украински ракети „Точка У“ над населбите Токмак во областа Запорожје и Сватово во областа Харков, како и дека руските ракетно-артилериски трупи извршиле 1.299 борбени мисии во изминатите 24 часа Украина, соопшти ТАС С.