Олег Устенко, економски советник на украинскиот претседател Зеленски, ги коментираше земјите и компаниите кои сè уште користат руска нафта.
Тој рече дека и покрај американското ембарго за руската нафта, Европа сè уште не го прави истото.
Австралија, Велика Британија, Канада и САД воведоа целосна забрана за купување руска нафта, но 27-те членки на ЕУ остануваат поделени.
„Целиот цивилизиран свет се обидува да ја запре оваа војна, но во исто време испраќа пари за финансирање на оваа војна“, изјави Устенко за Sky News.
Опишувајќи ја ситуацијата како целосно неприфатлива, тој продолжи: „Ќе ги тужиме сите што го финансираа убиството на нашиот народ“.
Тој додаде дека руските сили целосно го уништиле пристанишниот град Мариупол, додека градовите Чернихив и Харков се уништени 70 отсто.