Севернокорејскиот лидер Ким Џонг Ун лично нареди лансирање на „нов тип“ интерконтинентална балистичка ракета (ICBM), објави севернокорејската државна агенција KCNA, пренесува Бета.
„Пробното истрелување на нов тип на интерконтинентална балистичка ракета Хвасонг-17 на Стратешките сили на Народна Република Северна Кореја беше извршено на 24 март по наредба на самиот Ким Џонг Ун“, објави КЦНА.
Така, Северна Кореја официјално го потврди она што претходно денеска го објави јужнокорејскиот претседател Мун Џе-ин.
Тој рече дека Северна Кореја истрела интерконтинентална балистичка ракета во правец на Јапонското Море.
Тој рече дека тоа е „прекин во суспензијата на лансирањето на интерконтинентални балистички ракети што го вети претседателот Ким Џонг Ун на меѓународната заедница“.
Истрелувањето на ваков тип ракети предизвика бројни меѓународни осуди.
